PUNTLAND COMMUNITY ORGANISATION

Xeerka Ururka

Xeerka Jaaliyadda Puntland ee magaaladda Göteborg

§ 1. Magaca jaaliyadda

  • Jaaliyadda Puntland ee Göteborg

§ 2. Qaabdhismeedka jaaliyadda

  • Jaaliyad u adeegta danta guud.
  • Jaaliyad u adeegeysa dhammaan bulshada soomaliyeed ee deggan magaalada Göteborg iyo agagaarkeeda.
  • Jaaliyad ka madaxbanaan midabtakoorka, jinsidiidka  iyo qabyaaladda.
  • Jaaliyad hawlaheedu ku saleysan yihiin  hidaha iyo dhaqanka wanaagsan.

§ 3. Xarunta Jaaliyadda

  • Xarunta jaaliyadda waa magaaladda  Göteborg.

§ 4. Dadka uu ku jahaysan yahay

  • Bulshadda soomaaliyeed ee dagan magaaladda göteborg iyo agagaarkeeda.

§ 5. Hadafka Guud ee Jaaliyadda

  • Horumarinta, u adeegidda iyo Adkeynta midnimada bulshada soomaaliyeed.

§ 6. Ujeedooyinka jaaliyadda

  • · Wax ka qabashada dhibaatada qoysaska soomaaliyeed kala  soo darista dhinaca hayadaha dawliga iyo kuwa aan dawliga aheyn.
  • · Dhiirigelinta dhaqanka toosan,  wacyigelinta dhalinyaradda iyo ka  hortegidda dambiyadda dhalinyaradda soomaalida galaan.
  • · Ilaalinta xuquuqda dhibanaha soomaaliyeed ee deggan magaaladda Göteborg.
  • · Jaaliyaddu waxay boorineysaa  ka qaybgalayaasha tartanka siyaasadeed ee dalkan Iswidhan mid:degmo, gobol iyo mid  qaran.
  • · Xiriirinta  hayádaha dawladda iyo bulshada reer Puntland ee ku dhaqan magaaladda Göteborg.
  • · Agaasimidda munaasabadaha malmaha qadarinta ku leh bulshada soomaaliyeed.
  • Isku xirka iyo adkeynta xiriirka bulshada reer Puntland ee ku dhaqan magaalada Göteborg iyo magaalooyinka kale  ee deriska la ah.
  • · Martigelinta iyo soo dhoweeynta masuuliyiinta ka socota dawlad goboleedka Puntland.
  • Jaaliyad matasha bulshada ku dhaqan magaaladda Göteborge ee ka soo jeeda Puntland.
  • · Abuuridda xiriir ka dhaxeeya hayadaha dawliga ah iyo kuwa aan dawliga aheyn ee dalkan iswidhan iyo Puntland.
  • · Wax ka qabashada iyo xal u helida xaaladaha adag  sida abaaraha iyo colaadaha.
  • · Ka qaybqaadashada mashruucyada horumarineed ee ka socda degaamada Puntland.

§ 7. Xubinimadda ururka

  • Qof kasta oo u hogaansan xeerka jaaliyadda  wuu ka mid noqon karaa jaaliyadda.
  • Qof kastoo bixiya dhigaalka xubinnimada,  wuxuu xaq u leeyhay inuu  cid doorto ama la doorto.
  • Ogolaanshaha  codbixinta xubinta  waxaa xadaynaya wakhtiga bixinta dhigaalka, kaa soo noqonaya 3 bilood ka hor inta aysan xubintu doorashadda ka qaybqaadan .
  • Dhigaalka xubinnimada waxaa la bixinayaa hal mar sannadkii.

§ 8. Kulamada caadiga ah ee jaaliyadda

  • Golaha dhexe ee jaaliyadda waxay kulankooda caadiga ah yeelan doonaan bil walba mar oo ah sabtida bisha ugu dambeeyso.
  • Kulanka caadiga ee golaha dhexe ee jaaliyadda wuxu ansax yahay marka ay joogaan ugu yaraan 50% xubnaha golaha dhexe ee jaaliyadda.
  • Halka hogaanka jaaliyaddu uu yeelan doono kulamadiisa caadiga ugu yaraan labo jeer bishiiba.
  • Kulamada hogaanka jaaliyadda wuxuu ansaxa yahay marka ay joogaan ugu yaraan 50% xubnaha hogaanka jaaliyadda.
  • Xubnaha jaaliyaddu waxay kulamadooda caadiga ah yeelanayaan afartii bil mar.
  • Usbuuc ka hor waa in xubnaha golaha dhexe la gaarsiiyo goobta, waqtiga iyo qodobada kulanka.

§ 9. Shirweynaha Jaaliyadda

  • Shirweynaha jaaliyadda waa  sanadle.
  • Labo usbuuc ka hor waa in la faafiyaa qabashada shirweynaha jaaliyadda.
  • Xubin kasta ee jaaliyadda ka tirsan waa in ay heshaa waqtiga, goobta iyo qodobadda shirweynaha.

§ 10. Hawlaha shirweynaha jaaliyadda

  • · Doorashada shir gudoomiyaha.
  • · Doorashada Xoghaynta shirka.
  • · Doorashada hubiye.
  • · Doorashada  labo Cod-tiriyayaal
  • · Ansaxidda in shirweynahu dhaco.
  • · Ansaxidda qodobadda shirka.
  • · Dhageysiga warbixinta ku saabsan waxqabadka jaaliyadda sannadkii hore.
  • · Dhageysiga warbixin ku saabsan maamulka iyo maareynta hatida jaaliyadda.
  • · Xilwareejinta Hogaanka hore ee Jaaliyadda.
  • · Xilwareejinta xubnaha golaha dhexe ee jaaliyadda.
  • · Doorashada Xubnaha Golaha dhexe ee jaaliyadda.
  • · Doorashada hogaanka jaaliyadda.
  • · Ansaxinta qorsho hawleedka  jaaliyadda.
  • · Doorashada guddiga doorashada.
  • · Doorashada hantidhawrka.
  • · Jaangooynta dhigaalka xubinnimo ee jaaliyadda.
  • · Wax ka bedelka xeerka jaaliyadda.

§ 11. Habka goáan gaarista jaaliyadda

Jaaliyaddu waxay yeelanaysaa qaab goáan gaarid  oo fududeeynaya habsami u socodka iyo fulinta barnaamijyadda jaaliyadda.

  •  Jaaliyaddu waxay ku dhaqmaysaa qaabka cod-dheeriga iyo gacan taag marka laga reebo qodobada ku cad xeerka jaaliyadda.
  • Qodobada uu hogaanka jaaliyaddu u arko in ay ku haboon tahay in lagu dhaqamo codeeynta qarsoon, kadib marka ay ansaxiyaan guddiga golaha dhexe.

 

§ 12. Golaha dhexe ee Jaaliyadda

  • Jaaliyaddu  waxay leedahay  gole dhexe oo ka kooban 28 xubnood.
  • Ugu yaraan waa in sadexdii meel ay meeli ahaataa dumar.
  • Guddiga dhexe wuxuu kulmayaa hal mar bishii, sabtida bisha u danbaysa.
  • Waxay talosiiyaan hogaanka jaaliyadda si loo gaaro hadafka jaaliyadda.
  • Golaha dhexe waxa uu ansaxiyaa qorshaha uu soo jaangooyey hogaanka jaaliyadda.
  • Golaha dhexe wuxuu iska dhexdooranayaa  guddi hogaan oo dhan 9 xubnood.

§ 13. Guddiga hogaanka jaaliyadda

  • Hogaanka jaaliyaddu wuxuu ka kooban yahay 9 xubnood oo kala ah:gudoomiye, gudoomiye ku-xigeen, xoghaye kowaad iyo mid labaad, lacaghaye kowaad iyo mid labaad iyo saddex xiriiriyaal.
  • Waxay la tashanayaan oday-dhaqameedyada iyo aqoontahannada deggan magaaladda Göteborg.
  • Hawlahooda dalka iyo dibadda waxay u wakiilan karaan ody-dhaqameedyada iyo aqoontahannada ka soo jeeda Puntland ee deggan magaaladda Göteborg.

§ 14. Hawlaha hogaanka jaaliyadda

  • Qorshaynta guud ee hawlaha jaaliyadda
  • Jaangoynta iyo hagidda hawlaha jaaliyadda
  • Koormeerida habsamiusocodka hawlaha jaaliyadda
  • Turxaanbixinta caqabadaha la soo gudboonaada hawlaha jaaliyadda

§ 15. Guddoomiyaha jaaliyadda

  • Waa qofka matalaya jaaliyada dhanka gudaha iyo dibadaba.
  • Wuxuu hogaaminayaa kulamada guddiga.
  • Waa saxiixaha waraaqaha jaaliyada.
  • Wuxuu xaqiijinayaa in go’aamaha la gaaray la fuliyo.
  • Waa afhayaanka jaaliyadda.

§ 16. Guddoomiye ku-xigeenka jaaliyadda

  • Wuxuu diyaar u noqonayaa innuu cawiyo Gudoomiyaha.
  • Wuxuu matalayaa maalulaha marka uu maqan yahay ama uu ka dalbado.

 

§ 17. Lacaghaye  kowaad  iyo lacaghaye labaad

  • Wuxuu mas’uul ka yahay xisaab-xirka dhaqaalaha.
  • Wuxuu ilaalinayaa diiwaanka xubnaha.
  • Wuxuu mas’uul ka yahay lacag qabashada iyo lacag bixintaba.
  • Waa saxiixaha ururka.
  • Lacaghayaha labaad waxa uu la shaqaynayaa lacaghayaha kowaad.

 

§ 18. Xoghayaha kowaad iyo xoghayaha labaad

  • Wuxuu soo diyariyaa ajendaha shirar.
  • Wuxuu qoraa baratokoolada shirarka golaha dhexe iyo hogaanka jaaliyadda.
  • Wuxuu  gudbiyaa warbixinada ku saabsan hawlaha ay jaaliyaddu qabato.
  • Wuxuu ilaaliyaa , isla markaana kaydiyaa waraaqaha jaaliyada.
  • Wuxuu mas’uul ka yahay xayeynsiinta jaaliyada.
  • Wuxuu qoraa  qorshaha guud ee ku saabsan hawlaha  jaaliyadda.
  • Xoghayaha labaad waxa uu la shaqaynayaa xoghayaha koowaad.

 

§ 19. Xiriiriyaal

  • Waa iskuduwayaasha  guddi hoossadyada.
  • Waxay masuul ka yihiin in hawsha guddi hoosaadka loo xilsaaray la fuliyo.
  • In uu isku xiro hogaanka iyo guddi hoosaadka.

 

§ 20. Guddi hoosaadyada

Golaha dhexe ee jaaliyadda wuxu u qaybsamaa saddex guddi hoosaad oo kala ah:

  • Guddiga arimaha bulshada.
  • Guddiga arimaha jaaliyadda iyo xiriirka jaaliyadaha.
  • Guddiga horumarinta iyo mashaariicda.

 

§ 21. Hawlaha Guddi hoosaadyada

  • Qorshayan faahfaahsan ee ku aadan hawlaha guddigu u xilsaaran yahay.
  • Fulinta hawlaha guddigu u xilsaaran yahay.
  • Qiimeeynta waxqabadka guddiga.

 

§ 22. Guddiga doorashada

  • Guddiga doorashada wuxu ka kooban yahay saddex xubnood. Waxay hawshoodu tahay in ay soo xulaan, soona bandhigaan xubnaha golaha dhexe ee jaaliyadda Puntland.

 

§ 23. Guddiga hantidhawrka

  • Guddiga hantidhowrka wuxu ka kooban yahay labo xubnood. Hawshoodu waa la socodka maamulka dhaqaalaha jaaliyadda.
  • Warbixinta ay u soo gudbiyaan shirweynaha jaaliyadda habka loo maamulay dhaqaalaha jaaliyadda.

 

§ 24. Saxiixayaasha jaaliyadda

  • Awooda saxiixa jaaliyadda waxa leh gudoomiyaha iyo lacaghayaha oo wadajir u saxiixa ama labada lacaghaye oo si wadajir ah u saxiixa.

§ 25. Wax ka bedelidda xeerka jaaliyadda

  • Shirweynaha jaaliyadda waxa uu leeyahay awood uu wax uga bedelo qodob ama qodobo ka mid ah xeerka jaaliyadda, kadib marka ay qabalaan 2/3 xubnaha shirweynaha ka qaybqaadanaya.

§ 26. Waayidda xubinimadda guddiga dhexe iyo kan hogaanka

  • Xubintii ka midda labadaan gudi waxay  waayaysaa xubinimadeeda markii sadexmeelood laba meel ay sidaas u codeeyaan.
  • Guddigga hogaanku  kama qayb qaadanayo xaaladda codbixinta ee iyaga kalsoonida loogu qaadayo si ay u dhan yihiin.
  • Waayidda kalsoonida guddiga hogaanku saamayn kuma yeelanayso xubinimadda gudiga dhexe.

§ 27. Waayidda xubinimadda jaaliyadda

  • Xubintu waxay waayaysaa xubinimadda jaaliyadda markii ay toos ah u jabiso xeerka ururka isla markaana,  sadexmeelood labo kaqaybgayaashii shirka ay u codeeyaan sidaas
  • Xubinkastaa xaq ayay u leedahay in si madaxbanaan  uga baxdo jaaliyadda, iyadoo codsi qoraal u soo gudbineysa hogaanka jaaliyadda.

§ 28. Baabi’inta jaaliyadda

  • Jiritaanka jaaliyaddu wuu baabaàyaa markaa sadex meelood labo meelood xubnaha jaaliyaddu sidaas u codeeyan
  • Waa in laba kulan  oo ay yeeshaan xubnaha jaaliyadda sidaa la isku raacaa. Labadaa kulan waa in ay u dhaxeysaa afar bilood sida ku cad xeerka jaaliyadda.
  • Qodobkan waxa wax looga bedeli karaa oo keliya shirweynaha caadiga ah.
  • Haddii ay jaaliyaddu hawl gabto, waxa hantideeda loogu deeqayaa xarumaha aqoonta ee ku yaal Puntland.